प्राविधिक विकासमा महत्त्वपूर्ण योगदान पुर्याएको गुगलले निकट भविष्यमा आफ्नो जीबोर्ड किबोर्डमा AI टेक्स्ट टू इमेज जनरेटर समावेश गर्न लागेको छ। 9to5 गुगलले केहि समय पहिले जीबोर्ड apk को नयाँ बिटा संस्करण 12.7.05.50774919 रिलिज गरेको थियो र बिटा संस्करणमा इमेज जनरेटर फिचर थपेको थियो। त्यसैको आधारमा मिडियाले एआई टेक्स्ट टु इमेज जनरेटर बारे लेख लेखेका छन्।
ओपनाई कम्पनीले लन्च गरेको इमेज जेनेरेटर DALL-E 2 र गुगलले परीक्षण गरिरहेको एआई टेक्स्ट इमेज जेनेरेटर बिच समानता छ। किनभने दुबै इमेज जनरेटरहरूले प्रयोगकर्ताहरूको अनुरोधमा इमेजहरू सिर्जना गर्छन्। मानिसहरूले गुगल सर्च इन्जिनमा DALL-E लाई AI इमेज जनरेटरको रूपमा खोजिरहेका छन्। AI इमेज जेनेरेटरले गुगल जीबोर्ड लाई शक्तिशाली र लोकप्रिय किबोर्डको रूपमा स्थापित गर्न मद्दत गर्नेछ।
गुगलले विगत केही वर्षदेखि आफ्नो भर्चुअल किबोर्डमा नयाँ सुविधाहरू थप्दै आएको छ। यस अन्तर्गत एआई टुल्स, इमोजी, किबोर्ड स्टाइल लगायत धेरै परिवर्तन गरेको थियो । अब नयाँ प्रकारको परिवर्तन हुनेछ। यसले डिजिटल प्लेटफर्म प्रयोग गर्नेहरूलाई फाइदा पुग्नेछ।एआई टेक्स्ट टु इमेज जेनरेटरले विभिन्न कम्पनीका परियोजनाहरूमा आवश्यक इमेजहरू सजिलै सिर्जना गर्नेछ।यूजर्सको अनुरोधमा वेबसाइट लोगो, सामाजिक सञ्जालमा आवश्यक पर्ने ईमेजहरु तुरुन्त सिर्जना गरि दिनेछ।
गुगलको एआई टेक्स्ट टु इमेज जेनेरेटरले ओपनाइको एआई इमेज जेनेरेटरसँग प्रतिस्पर्धा गर्न सक्छ कि सक्दैन भनेर थाहा पाउन केही समय कुर्नुपर्नेछ। गुगलले आर्टिफिसियल इन्टेलिजेन्समा बढी फोकस गर्न लागेको छ, किनकि च्याटजीपीटीको सफलतापछि गुगलले पनि एआई च्याटबोट बार्ड एआई लन्च गर्ने घोषणा गरेको थियो। बार्ड एआई च्याटबट बिटा संस्करण परीक्षण हुदैछ। गुगलले ओपनएआई कम्पनीको अर्को उत्पादन एआई इमेज जेनेरेट जस्तै काम गर्ने एआई टेक्स्ट टु इमेज जेनेरेटर लन्च गर्ने तयारी गरिरहेको छ। तर एआई टेक्स्ट टु इमेज जेनेरेट फिचर जिबोर्डमा कहिले थपिने भन्ने बारे गुगलले आधिकारिक रूपमा जानकारी दिएको छैन।